KUCHING: Datuk Abang Abdul Karim Tun Abang Openg udah dipadu mangku pangku pengawa Presiden ungkup penggal 20182020 Gerempung Pedagang Sarawak (SBF) kena 5 September tu tadi.

Pekara tu udah diputus ba Aum Besai Ninting Taun (AGM) SBF, diatur enggau Datuk Philip Ting ti nyadi Mandal Presiden.

Kelimpah ari nya, Mandal Presiden SBF ti baru dipadu iya nya Datuk Abang Halmi Tan Sri Ikhwan ( DUBS), Tan Jit Kee, Datuk Joseph Salang, Dr Christopher Ngui, Dato’ Sri Ir Peter Lu enggau Tan Sri Dato' Sri Abang Khalid TSDA Abang Marzuki, Sekretari Besai SBF, Jonathan Chai sereta Sapit Sekretari Besai SBF, Gracie Geikie (SCCI).

Seraya pangku pengawa Tukang Wang dipenggi David Tiong lalu sapit iya, Anne Kung.

Nitih ku SBF udah ngelangkar atur pengawa enggau aktiviti ti manah lalu deka digulu raban sida baka Pengawa Mandang enggau Aum Besai Pengawa Mandang Antarabansa Sarawak (SIBEC) 2018 di BCCK ari 12 nyentuk 13 Oktober tu.

Tuju SIBEC 2018 dikena meransang pengawa ngemeranka teknologi digital ti nyukung dagang Sarawak ba pengawa mai Sarawak nuju Revolusyen Industri 4.0.